مادام قلبي

السلام عليكم ..
صباح الخير للجميع .


قصيده أتمنى لها القبول من أرشيفي ..

مالك ومال النذاله يا مدورني
خلق الله كثار وانته وش تبي فيني
؟
مثلك حبيبي يهلابه وصدقني
إن جيت وان رحت ما عادك بتعنيني
؟
دور على اللي تبيه ويبعدك عني
وأنا في بعدك أبصبر والله يعيني
؟
لو الليالي على بعدك تلوعني
بقطع حبال الوصل ما بينك وبيني
؟
ما عاد أنا منك وأنته منته بمني
ما دام هذا كلامك عافتك عيني
؟
من اولن يالغلا كنت احسبك ظني
واليوم صار الرجا في باقي سنيني
؟
عفت الهوى والمحبه ليت ما جني
خلوني أنوح ماالقا من يواسيني
؟
اللي عطيته حياتي قام يطعني
يغرز سكاكين غدره في شراييني
؟
ناوي على قتلتي صامل بتقتلني
من شاف فعلك درى انك جد ناويني
؟
الله حسيبك تجازي بالعطا مني
وأنا أحسبك لا جفاني الوقت تعطيني
؟
وختامها ما ابيك ولا تودعني
مادام قلبي جفاك وطحت من عيني..؟


بقلمـــــــــي ..,

صح السانك انت الي كاتبها

القصيدة روعة من عضو ولا اروع

اكيد انا الي كاتبها

عاد قويه انت كتبتها
يعمي ولا حرف

ههههههههههههههههههههه صادني رامي

لالا يجي منك يا محمد انك تكتب حرف